ELDIŃ ABADANLÍǴÍ BÁRINEN BURÍN MÁHÁLLEDEN BASLANADÍ

Mámleketimizde 13-14-mart kúnleri ótkerilip atırǵan ulıwmaxalıqlıq qayırqomlıq shembiligi sheńberinde Qaraózek rayonında keń kólemli abadanlastırıw hám kóklemzarlastırıw jumısları dawam etpekte.

Xalıq deputatları Qaraózek rayonlıq Keńesi deputatları da saylaw okrugi aymaqlarında shembilikke belsene qatnaspaqta. Ulıwmaxalıqlıq qayırqomlıq shembiligi dawamında aymaqlarda jasıl maydanlar tártipke keltirildi, tereklerdiń átirapı tazalandı, jollar hám maydanlar shıǵındılardan tazalandı. Bunday ámeliy jumıslar tek ǵana aymaqtı jáne de taza hám shıraylı etiwge emes, al qorshaǵan ortalıqtı saqlaw, ekologiyalıq mádeniyattı arttırıwǵa da xızmet etpekte.