XALQ DEPUTATLARI PARKENT TUMANI KENGASHI DEPUTATI SAYLOVCHILAR BILAN UCHRASHDI.

Xalq deputatlari Parkent tuman Kengashiga 18-Buloqboshi saylov okrugidan saylangan deputat Karimshikov Sabriddin Azimovich tomonidan “Bo‘rsiliq” MFY hududidagi 4-umumiy o‘rta ta’lim maktabida mahalla yettiligi hamda maktab ma’muriyati bilan hamkorlikda saylovchilar bilan navbatdagi uchrashuv tashkil etildi. Tadbirda tuman Kengashi kotibiyati mudiri Berdiqulova Mavluda Tojiddinovna, shuningdek, tegishli kommunal va xizmat ko‘rsatuvchi tashkilotlar mas’ul xodimlari ham ishtirok etdi. Uchrashuv davomida deputat tomonidan 2025-yil davomida saylov okrugi tarkibidagi mahallalarda amalga oshirilgan ishlar yuzasidan axborot taqdim etildi. Jumladan, hududlarni obodonlashtirish va ko‘kalamzorlashtirish, ichki yo‘llarni ta’mirlash, infratuzilmani yaxshilash, ichimlik suvi, elektr energiyasi hamda gaz ta’minoti bilan bog‘liq masalalarni
hal etish borasida olib borilgan ishlar haqida ma’lumot berildi. Uchrashuv ochiq va konstruktiv muloqot ruhida o‘tdi. Yakunda aholi tomonidan ko‘tarilgan, mahallada yechimini kutayotgan masalalar atroflicha muhokama qilinib, ularni bartaraf etish yuzasidan zarur chora-tadbirlar belgilab olindi.