Sayyor qabul — aholi dardu tashvishlarini o‘rganish va hal etishga qaratilgan amaliy muloqot

 Sayyor qabul — aholi
dardu tashvishlarini o‘rganish va hal etishga qaratilgan amaliy muloqot 

  

🔷 Xalq deputatlari Farg‘ona tuman
Kengashi deputati Jamshidbek Eminov
tomonidan Xo‘ja Axmad Vale MFY hududida sayyor qabul tashkil etilib, fuqarolar bilan
ochiq, samimiy va amaliy muloqot o‘tkazildi. 

🔷 Uchrashuv davomida aholi tomonidan
elektr ta’minotini yaxshilash, jumladan mahalla hududidagi ko‘chalarga 35 ta beton tayanch ustuni o‘rnatish, shuningdek
ichki ko‘chalarni 3,5 km masofada asfaltlash
zarurligi yuzasidan qator murojaat va takliflar bildirildi. 

🔷 Ko‘tarilgan masalalar yuzasidan
tegishli idora va tashkilotlar mas’ullari bilan birgalikda muhokama o‘tkazilib,
ularni atroflicha o‘rganish va bosqichma-bosqich hal etish bo‘yicha aniq vazifalar
belgilab olindi. Barcha murojaatlar deputatlik
nazoratiga olinib, ularning ijrosi ta’minlanishi ustidan muntazam nazorat
olib borilishi ta’kidlandi. 

🔷 Bunday sayyor
qabullar aholi bilan bevosita muloqotni mustahkamlash, joylardagi dolzarb muammolarni
o‘rganish va ularning yechimiga qaratilgan amaliy choralarni belgilashda muhim ahamiyat
kasb etmoqda. 

  

Telegram | Facebook | YouTube