TUMAN HOKIMI SOBIQ HOKIMLAR XONADONIDA BO‘LDI

9 may — Xotira va qadrlash kuni munosabati bilan Qiziltepa tumani hokimi Bekzod Bobomurodov o‘zgacha tashabbus ko‘rsatdi va mustaqillik yillarida Qiziltepa tumani hokimi lavozimida ishlagan sobiq hokimlar: Mardon Shamsiyev (1987- (tuman partiya qo'mitasi birinchi kotibi)-1992 yillarda), Tursunpo‘lat Fatullayev (1992-1998 yillarda), Shabon Nabiyev (1998-2021 yillarda) va Ulug‘bek Fayziyev (2021-2023 yillarda) xonadonlarida bo‘lib, ularning holidan xabar oldi.

Hokimning sobiq hokimlar bilan uchrashuvlarida rahbarlarning rahbarlik yillarida amalga oshirgan ishlari, har bir davrning o‘ziga yarasha qiyinchiligu muvaffaqiyatlari, boshqaruv tizimi va boshqa bir qator mavzularda samimiy suhbatlar bo‘ldi.

Barcha rahbarlar hokimning ushbu ezgu tashabbusini xursandchilik bilan kutib olib, o‘zlarining ijobiy fikrlarini bildirishdi.