Xalq deputatlari Namangan shahar Kengashining navbatdagi o‘n yettinchi sessiyasi o‘tkazildi

25 fevral kuni Namangan shahar hokimligining majlislar zalida Xalq deputatlari Namangan shahar Kengashining navbatdagi o‘n yettinchi sessiyasi bo‘lib o‘tdi.

Sessiya kun tartibiga quyidagi masalalar kiritildi:

1. Joriy yilning 16-fevral kuni Xalq deputatlari Namangan shahar Kengashiga saylov o‘tkazuvchi 21-Oromgox saylov okrugida o‘tkazilgan deputatlik saylovi natijalari to‘g‘risida;

2. Namangan shahar budjetining 2025-yil yakuni bilan daromadlari va xarajatlarining ijrosi haqida;

3. Xalq deputatlari Namangan shahar Kengashining 2025-yil 29-dekabrdagi 2026-yil uchun Namangan shahar budjetini tasdiqlash to‘g‘risidagi VII-14-85-6-91-K/25-son qaroriga o‘zgartirish kiritish to‘g‘risida;

4. Namangan shahar budjetining 2026-yil boshiga aniqlangan erkin qoldiq mablag‘idan foydalanish to‘g‘risida.

Mazkur sessiyada joriy yilning 16-fevral kuni Xalq deputatlari Namangan shahar Kengashi deputatligiga 21-Oromgoh saylov okrugida o'tkazilgan saylov natijalariga ko'ra Kamalov Ayubxon Aribdjanovich O'zbekiston Liberal Demokratik partiyasidan Xalq deputatlari Namangan shahar Kengashi deputatligiga saylangani ma'lum qilindi va Ayubxon Aribdjanovichga deputatlik guvohnomasi topshirildi.

Sessiya yakunida Xalq deputatlari Namangan shahar Kengashining tegishli qarorlari qabul qilindi.