Olmazor tumanida madaniy-ma’rifiy tadbir bo‘lib o‘tdi

Olmazor tumanidagi 25-, 29-sonli bolalar musiqa va san'at maktabi hamda Olmazor tumani Madaniyat boʻlimi hamkorligida Xalqaro xotin-qizlar kuni munosabati bilan “Ayol – go‘zallik va nafosat ramzi” mavzusida maʼnaviy-maʼrifiy, madaniy-musiqiy tadbiri tashkil etildi.

 Unda xalq deputatlari Olmazor tumani Kengashi deputatlari Shaxnoza Umarxodjayeva hamda Davronbek Raxmatullayevlar ishtirok etishdi.

Tadbiгda bolajonlar tomonidan qiziqarli sahna ko‘rinishlari, milliy raqslar, kuy va qo‘shiqlar ijro etilib, yig‘ilganlarga bayramona kayfiyat ulashildi.  

Ijodiy chiqishlar orqali ayollarga bo‘lgan hurmat va ehtirom, ularning jamiyatdagi o‘rni va qadri yana bir bor ulug‘landi.

Mazkur tadbir barchaga ko‘tarinki ruh bag‘ishlab, ishtirokchilarda unutilmas taassurotlar qoldirdi.