Sessiya májilisinde

Xalıq deputatları rayonlıq Keńesiniń jigirmalanshı sessiyası boldı.

Sessiyaǵa rayonlıq Keńes deputatları, hákim orınbasarları, mákeme, kárxana basshıları qatnastı. Sessiyanı Xalıq deputatları rayonlıq Keńesi baslıǵı D.Ametov ashtı hám basqarıp bardı. Sessiyada birinshi masele Qanlıkól rayonı Kámbaǵallıqtı qısqartıw hám bántlikke kómeklesiw bólimi baslıǵı B.Eshmuratovtıń Ózbekstan Respublikası Prezidentiniń 2026-jıl 5-fevral kúngi “2026-jılı aymaqlardı jańasha qatnasıqlar tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı PQ-49-sanlı qararı tiykarında Qonlıkól rayonında jumıs orınların jaratıw dástúrin tastıyıqlaw haqqında, Ózbekstan Respublikası Prezidentiniń Qanlıkól rayonındaǵı Xalıq qabıllawxanası tárepinen 2025-jıl dawamında ámelǵe asırılǵan jumısları hám aymaqtaǵı mákeme, shólkem basshılarınıń iskerligi, múrájatlar menen islesiwi boyınsha bayanatları tıńlandı.