DEPUTAT MAHALLA YETTILIGI FAOLIYATI BILAN TANISHDI

Xalq deputatlari Paxtakor tuman Kengashi 18-Markaziy saylov okrugi deputati Shamsiddin Karimov "Do'stlik" mahalla fuqarolar yig'inida mahalla yettiligi tomonidan amalga oshirilayotgan ishlar bilan yaqindan tanishdi.

O‘rganish davomida mahalla fuqarolar yig‘ini raisi, hokim yordamchisi, yoshlar yetakchisi hamda xotin-qizlar faoli tomonidan olib borilayotgan ishlar haqida ma’lumotlar tinglandi.

Shuningdek, mahalla hududida aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, yoshlar bilan ishlash, xotin-qizlar bandligini ta’minlash hamda huquqbuzarliklarning oldini olish borasida amalga oshirilayotgan ishlar muhokama qilindi.

Deputat mahalla faollari bilan muloqot davomida aholining murojaatlari va takliflarini hamda muammolarni hal etish bo‘yicha tegishli choralar ko‘rish zarurligi ta’kidlandi.