Deputat ishtirokida o‘qituvchilar bilan muloqot

            Xalq deputatlari Jalaquduq tuman Kengashi deputati Yo.Tadjibayeva 39-umumta’lim maktabida voyaga yetmaganlar o‘rtasida jinoyatchilik va huquqbuzarliklarning oldini olish masalalariga bag‘ishlangan uchrashuv o‘tkazdi. Uchrashuv davomida maktabda voyaga yetmaganlar o‘rtasida jinoyatchilik va huquqbuzarliklarni bartaraf etish borasida amalga oshirilayotgan chora-tadbirlar atroflicha muhokama qilindi. Xususan: o‘quvchilar bilan profilaktik suhbatlar o‘tkazish, huquqiy targ‘ibot va tushuntirish ishlarini kuchaytirish, ichki ishlar organlari va mahalla faollari bilan hamkorlikni yo‘lga qo‘yish, ota-onalar bilan tizimli ravishda ishlash, Shuningdek, kelgusida amalga oshirilishi lozim bo‘lgan vazifalar belgilab olindi. Suhbat davomida o‘qituvchilar o‘z taklif va fikr-mulohazalarini bildirib, yoshlar o‘rtasida sog‘lom ijtimoiy muhitni shakllantirish barcha uchun ustuvor vazifa ekanini qayd etdilar.