Doimiy komissiyalar majlisida muhim masalalar muhokama qilindi

Xalq deputatlari Yangiobod tuman Kengashi doimiy komissiyalarining qo‘shma majlisi bo‘lib o‘tdi. Unda tumanning ijtimoiy-iqtisodiy rivojlanishiga oid bir qator masalalar muhokama qilindi.

🔹Majlisda tuman hokimining ijtimoiy-iqtisodiy rivojlanish bo‘yicha hisoboti, 2026-yilda hududlarni rivojlantirish orqali aholi daromadlarini oshirish, yangi ish o‘rinlari yaratish va kambag‘allikni qisqartirish chora-tadbirlari ko‘rib chiqildi.

🔹Shuningdek, tuman mahalliy budjetining qo‘shimcha manbalaridan foydalanish, alkogol mahsulotlarini realizatsiya qilish uchun yig‘im stavkalarini oshirish, Prezidentning PQ-468-sonli qarori ijrosi hamda Kengashning 2025-yildagi faoliyati sarhisob qilinib, 2026-yil uchun ustuvor vazifalar belgilab olindi.

🔹Majlis yakunida kun tartibidagi masalalar yuzasidan tegishli qarorlar qabul qilindi.