«Gezektegi turaqlı komissiya májilisi bolıp ótti».

Xalıq deputatları Taxtakópir rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń gezektegi májilisi bolıp ótti.

Turaqlı komissiya baslıǵı S.Kayrzaeva shıǵıp sóylep, májilisti ashıp berdi hám kún tártibindegi másele menen qısqasha tanıstırıp ótti.

Bunnan soń, Taxtakópir rayonı kámbaǵallıqtı qısqartıw hám bántlikke kómeklesiw bólim baslıģınıń orınbasarı A.Baymbetovtıń “Ózbekstan Respublikası Prezidentiniń 2024-jıl 4-oktyabrdegi PQ-347-sanlı "Kambaǵallıqtı qısqartıw hám bántlik tarawında mámleketlik siyasattı jetilistiriw hám nátiyjelilikti arttırıw ilajları haqqında"ǵı qararınıń rayon aymaǵında orınlanıwı boyınsha esabatı hár tárepleme dodalanıp, bildirilgen pikir-usınıslar tiykarında rayonlıq Keńestiń gezektegi sessiya májilisine usınıw boyınsha sheshim qabıl etildi.