Kumushkon mahallasida kompleks o‘rganish va uchrashuv tashkil etildi

Karmana tumani hokimi, Xalq deputatlari tuman Kengashi deputati Sh.Boltayev tomonidan “Kumushkon” mahallasida kompleks o‘rganish va uchrashuv tashkil etildi.

Jarayon davomida ichki yo‘llarni ta’mirlash, ichimlik suvi, elektr ta’minoti hamda kommunikatsiya tarmoqlarini yaxshilash bo‘yicha aniq vazifalar belgilandi.

Tadbirkorlar bilan ochiq muloqot o‘tkazilib, yangi ish o‘rinlari yaratish va aholi bandligini ta’minlash masalalariga alohida e’tibor qaratildi.

Fuqarolarning murojaatlari joyida o‘rganilib, har bir masala yuzasidan mas’ullarga tegishli topshiriqlar berildi.