Xalq deputatlari Boyovut tumani Kengashi

Boyovut tajribasi asosida ishlab chiqilgan “yo‘l xarita”ga muvofiq, tumanda sanoat yo‘nalishida amalga oshiriladigan ustuvor vazifalarning birinchi bandida xorijiy investitsiyalarni jalb etgan holda yirik investitsiya loyihalarini ishga tushirish belgilangan.

📈 Mazkur rejaga ko‘ra, umumiy qiymati 535,5 mln AQSh dollariga teng bo‘lgan 5 ta yangi sanoat loyihasini ishga tushirish va ularning to‘liq quvvatda faoliyat yuritishini ta’minlash orqali sanoat mahsulotlari ishlab chiqarish hajmini qo‘shimcha 900 mlrd so‘mga oshirish, mahalliy budjetga 140,0 mlrd so‘m tushum kiritish hamda 650 ta yangi ish o‘rni yaratish rejalashtirilgan.

Shu maqsadda tuman deputati Jumavoy Rahmonqulov mazkur investitsiya loyihasi amalga oshirilayotgan qurilish obyektiga tashrif buyurib, ishlar borishi bilan yaqindan tanishdi. O‘rganishlar davomida qurilish maydonida ishlar to‘xtab qolgani hamda hududda ishchi-xodimlar mavjud emasligi aniqlandi.

Aniqlangan holat yuzasidan deputat tomonidan tuman hokimining investitsiya masalalari bo‘yicha o‘rinbosari B. Abdumalikov bilan uchrashuv o‘tkazish va vaziyatga oydinlik kiritish, shuningdek, loyihaning ijrosini jadallashtirish choralarini ko‘rish belgilandi.