Xalq deputatlari Boyovut tumani Kengashi

Bugun Boyovut tumanida keng ko‘lamli umumxalq xashari uyushtirilib, barcha tashkilot va muassasalar, mahalla faollari hamda fuqarolar faol ishtirok etdi. Xashar doirasida tashkilot va muassasalar hududlari, aholi xonadonlari atrofi hamda ko‘chalar tartibga keltirildi.

Shu jumladan, “Navbahor” mahallasi aholisi, deputatlar, yoshi ulug‘ nuroniylardan tortib navqiron yoshlargacha bir yoqadan bosh chiqarib, mahalla obodligi yo‘lida jipslashdi. Ko‘chalar tozalanib, chiqindilar chiqarildi, ko‘chatlar ekildi hamda daraxtlar oqlanib, mahallaning ko‘rki va fayzi yanada oshdi.

Bunday ezgu tadbirlar nafaqat hududni obod etadi, balki aholi o‘rtasida hamjihatlik va birdamlik muhitini yanada mustahkamlaydi. Obod va fayzli mahalla - bu har birimizning mas’uliyatimizdir.