Deputattıń_gezektegi_ushırasıwı_ótkerildi.

Bozataw rayonı “Kók-suw” APJ aymaǵında jaylasqan 13-sanlı ulıwma orta bilim beriw mektebinde rayon hákimi B.Ubbiniyazov, Xalıq deputatları rayonlıq Keńesi sekretariatı baslıǵı A.Ibragimov menen birgelikte aymaqta jasawshı puqaralardıń múrájatların úyreniw hám olarǵa unamlı sheshim tabıw maqsetinde gezektegi ushırasıwı ótkerildi.

Bolıp ótken qabıllawǵa deputatlar, tiyisli taraw basshıları hám aymaq turǵınları qatnastı. Qabıllawda puqaralar tárepinen ishki jollardı ońlaw, salıq tólemleri, bántlik, ishimlik suwı hámde basqada turmıslıq mashqalalarǵa baylanıslı bolǵan múrájatlar kelip tústi.

Ushırasıwıda puqaralar tárepinen bildirilgen bir qatar múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlardıń unamlı sheshim tabıwı ushın juwapkerlerge anıq tapsırmalar belgilep berildi.