Payshanba: deputatlik tashrifi va joylardagi o‘rganishlar

Keyingi manzil sifatida Xalq deputatlari Namangan shahar Kengashi raisi, deputat Isakov Rustam Raxmanovich aholi xonadonlariga tashrif buyurib, xonadonlarda tashkil etilgan issiqxona va yog‘och buyumlardan tovoq, lagan hamda chinni oshxona buyumlarini yasovchi hunarmandlik faoliyati bilan yaqindan tanishdilar.

Tashrif davomida hunarmandlarning ish jarayoni, mahsulot sifati, tayyorlash usullari va issiqxonadagi faoliyatning unumdorligi batafsil o‘rganildi.

Mazkur jarayonda bandlikni ta’minlash, yoshlarni kasb-hunarga yo‘naltirish va tajribali mutaxassislar tomonidan “usta–shogird” an’analarini joriy etish bo‘yicha tegishli tavsiyalar berildi.

Shu orqali mahalladagi hunarmandchilik va issiqxona faoliyati qo‘llab-quvvatlanib, hududdagi iqtisodiy faollikni oshirishga xizmat qilishi ta’kidlandi.