Tumanda aholi bandligini ta’minlash bo‘yicha belgilab olingan ustuvor vazifalar o‘rganildi

Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq tumanda aholi doimiy ish bilan ta’minlash, ishsizlikni qisqartirish bo‘yicha O‘zbekiston Respublikasi Prezidentining 2026-yil 5-fevraldagi PQ-49-son qaroriga asosan belgilab olingan ishlar xalq deputatlari Bo‘stonliq tumani Kengashi raisi O.Babayev, O‘zbekiston Liberal-demokratik partiyasidan saylangan deputat U.Aripbayev hamda kotibiyat xodimlari tomonlaridan tuman Kambag‘allikni qisqartirish va bandlikka ko‘maklashish bo‘limida o‘rganish oʻtkazildi.

O‘rganish davomida bo‘lim rahbari A.Kanakov tomonidan tumanda 34773 nafar aholining bandligini ta’minlash rejalashtirilganligi, shundan 4835 nafar aholi doimiy ish bilan ta’minlanishi, “Loyihaviy yondashuv” asosida 23572 nafar aholi daromadi oshirilishi, 6366 nafar ish o‘rinlari soyadan chiqarilishi, shu bilan birga, tumanda 2200 ta mikroloyihalar amalga oshirilib, 4834 ta yangi ish o‘rinlari yaratilishi belgilab olinganligi ma’lum qilindi.

Shuningdek, 9906 nafar fuqarolarning pilla qurti boqish orqali daromadlarini oshirish belgilanganligi alohida ta’kidlandi.

O‘rganish davomida deputatlar qiziqtirgan savollariga javoblar oldilar.