Bekobodda xotin-qizlar faollari bilan uchrashuv o‘tkazildi.

 Bekobodda xotin-qizlar faollari bilan uchrashuv o‘tkazildi 

Bugun erta tongda Bekobod shahar hokimi deputat N.Babayev shahrimizdagi “Yoshlar markazi” binosida mahallalardagi xotin-qizlar faollari bilan ochiq muloqot o‘tkazdi. Uchrashuv davomida mahallalarda olib borilayotgan ishlar tahlil qilinib, xotin-qizlar duch kelayotgan muammolar hamda ularni bartaraf etish yo‘llari atroflicha muhokama qilindi.  

Ayniqsa, xotin-qizlarni har tomonlama qo‘llab-quvvatlash, ularning bandligini ta’minlash, tadbirkorlikka jalb etish va ijtimoiy faolligini oshirish masalalariga alohida e’tibor qaratildi. 

Shuningdek, kelgusidagi ustuvor vazifalar belgilab olinib, bildirilgan taklif va tashabbuslar yuzasidan tegishli topshiriqlar berildi. Uchrashuv
ochiq, samimiy va konstruktiv ruhda o‘tib, hamkorlikni yanada mustahkamlashga xizmat qildi.