Nazorat tahlili tadbirid davomida hududdagi bog‘cha hamda maktab sharoitlari o‘rganildi

 Deputatlar Ayritom Mahalla yettiligi faoliyati bilan tanishilgandan so‘ng, nazorat-tahlil tadbiri davomida hududdagi bog‘cha va maktablar faoliyati o‘rganildi. Tadbirda asosiy e’tibor ta’lim muassasalarida yaratilgan sharoitlar va ularning yoshlar manfaatiga qanchalik xizmat qilishi masalasiga qaratildi.

O‘rganish jarayonida quyidagi jihatlar ko‘zdan kechirildi:

Bog‘cha va maktablarda ta’lim va tarbiya jarayonlarining tashkil etilishi, o‘quvchilarning bilim va ko‘nikmalarini rivojlantirishga yo‘naltirilgan sharoitlar

Sport maydonchalari, kutubxonalar va boshqa yoshlar uchun mo‘ljallangan infratuzilma vositalaridan foydalanish darajasi

Pedagoglar va tarbiyachilar faoliyati, yoshlar bilan individual yondashuv va ularni qo‘llab-quvvatlash tizimi

Ota-onalar va mahalla yettiligi bilan hamkorlik, bolalar faoliyatini qo‘llab-quvvatlash hamda yoshlar tashabbuslarini rag‘batlantirish

Tadbir natijalariga ko‘ra, bog‘cha va maktablarda yaratilgan sharoitlar yoshlarning ijodiy va jismoniy rivojlanishi uchun samarali ekani qayd etildi. Shu bilan birga, mavjud kamchiliklarni bartaraf etish va yoshlar manfaatini yanada to‘liq qondirish bo‘yicha tavsiyalar berildi.

Nazorat-tahlil tadbiri yakunida mahalla yettiligi va ta’lim muassasalari o‘rtasida tizimli hamkorlikni kuchaytirish, yoshlar bilan ishlash sifatini oshirish va ularni sog‘lom, bilimli va faollikka yo‘naltirilgan muhitda tarbiyalash zarurligi ta’kidlandi.