Mahalla yettiligi va obodonlashtirish ishlari joyida o‘rganildi

Xalq deputatlari Qiziriq tumani Kengashiga “Istara” saylov okrugidan saylangan deputat Q.Igamberdiyeva “Istara” mahallasida bo‘lib, mahalla yettiligi faoliyati bilan bir qatorda mahallada olib borilayotgan obodonlashtirish va bunyodkorlik ishlari holatini ham joyida o‘rgandi.

O‘rganish jarayonida mahalla raisi, profilaktika inspektori, hokim yordamchisi, xotin-qizlar faoli, yoshlar yetakchisi hamda boshqa mas’ullarning o‘z yo‘nalishlari bo‘yicha olib borayotgan ishlari atroflicha tahlil qilindi. Aholi murojaatlari bilan ishlash tartibi, reja-jadvallar ijrosi, hujjatlar yuritilishi hamda ijro intizomi ko‘zdan kechirildi.

Shuningdek, mahalla hududida amalga oshirilayotgan yo‘l, ichki ko‘chalarni tartibga keltirish, hududni obodonlashtirish, yashil maydonlarni kengaytirish, tozalikni ta’minlash bo‘yicha bajarilayotgan ishlar holati bilan tanishildi.

Deputat tomonidan mahalla yettiligi a’zolari bilan ochiq muloqot o‘tkazilib, ish samaradorligini oshirish, muammolarga tezkor va manzilli yechim topish, aholi bilan ishlashda mas’uliyatni kuchaytirish bo‘yicha aniq tavsiyalar berildi.

Aniqlangan masalalar deputatlik nazoratiga olinib, mahalla yettiligi faoliyati va obodonlashtirish ishlari samaradorligini yanada oshirish yuzasidan kelgusidagi vazifalar belgilandi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)