Deputat nazorati

       Deputat nazorati

       Kuz–qish mavsumining boshlanishi bilan ta’lim muassasalarida o‘quvchilar uchun qulay va xavfsiz sharoit yaratish masalasi dolzarb ahamiyat kasb etadi. Shu maqsadda xalq deputatlari Bag‘dod tumani Kengashi deputati A.Umurzaqov tomonidan tumandagi 26-sonli umumiy o‘rta ta’lim maktabi va 12-sonli davlat maktabgacha ta’lim tashkilotlarida issiqlik tizimining tayyorgarligi va barqaror ishlashi hamda sog‘lom ovqatlanish bo‘yicha deputat nazorati o‘tkazildi.

       Muassasalarda issiqlik tizimining texnik holati ya’ni isitish qozonlari, uskunalar xavfsizlik talablariga muvofiqligi va mavsumga to‘liq tayyorligi tekshirildi. Mavsum davomida uzluksiz isitishni ta’minlash, muammolar yuzaga kelganda tezkor choralar ko‘rish bo‘yicha mutasaddilarga tavsiyalar berildi.

       Deputat nazoratining asosiy maqsadi – kuz-qish mavsumida maktab va bog‘chalarda o‘quvchilar va tarbiyalanuvchilarning sog‘lig‘iga zarar yetkazmaydigan, barqaror issiqlik ta’minotini yo‘lga qo‘yish shuningdek, bu jarayon orqali javobgar tashkilotlar ishining shaffofligi va samaradorligini oshirishdir.