🏛 Xalq deputatlari Samarqand shahar Kengashi deputati M.Xosilova Navro‘z mahalasida bo‘lib, mahalla “yetti”ligi bilan uchrashdi hamda fuqarolar bilan sayyor qabul o‘tkazdi.

🤝 Uchrashuv davomida aholini qiynayotgan masalalar, mavjud muammolar va takliflar atroflicha muhokama qilindi.

📌 Fuqarolar ta’kidlashicha, bugungi kunda “Sulim qo‘rg‘oni” deb ataladigan hudud bundan 7–8 yil avval tarixiy nom – “Xishrau qo‘rg‘oni” deb yuritilgan. Mazkur nom hudud tarixi bilan chambarchas bog‘liq bo‘lib, 1956-yilda bu yerda Xishrau GESi qurilgan.

🏘 Hozirgi kunda ushbu hududda qariyb 15 000 nafarga yaqin aholi istiqomat qilmoqda. Aholining aksariyat qismi qo‘rg‘on nomini avvalgi tarixiy – “Xishrau” nomiga qaytarish taklifini bildirdi.

🌳 Shuningdek,mahalla hududida joylashgan Madaniyat uyini qayta ta’mirlash, uning orqa qismidagi bog‘ hududini obodonlashtirib, mahalla aholisi uchun zamonaviy ko‘ngilochar dam olish maskaniga aylantirish bo‘yicha amaliy yordam so‘raldi.

📝 Bildirilgan taklif va murojaatlar o‘rganilib, tegishli tashkilotlar bilan hamkorlikda ko‘rib chiqilishi ma’lum qilindi.

✨ Mahallalarda ochiq muloqot va sayyor qabullar orqali har bir fuqaroning fikri e’tiborda.

📱 Telegram| (http://t.me/Samarqandshaharkengashi1) 📱 Facebook