Ramazon — mehr-shafqat, saxovat va bag‘rikenglik oyi

Xalq deputatlari Pastdarg‘om tuman Kengashi deputati M.Kilichiv tashabbusi bilan Baxshiboyi, Quyidarg‘om, Bog‘onali mahallalaridagi kam ta’minlangan xonadonlarga Ramazon oyi munosabati bilan ehson tarqatildi. Ushbu xayrli tadbir orqali bir qator oilalarga oziq-ovqat mahsulotlari va zaruriy ehtiyoj vositalari yetkazib berildi.

Ramazon oyi — nafaqat ro‘za tutish, balki ehson qilish, muhtojlarga ko‘mak berish, insonlar qalbiga quvonch ulashish oyidir. Shu ma’noda bugungi tashabbus ko‘plab xonadonlarga bayramona kayfiyat va umid bag‘ishladi.

Yaxshilik qilish — eng ulug‘ qadriyat.