⚡️⚡️Xalq murojaati e'tiborsiz qolmadi

Kogon shahar A.Qodiriy MFY Kogon ko'chasida istiqomad qiluvchi fuqarolar tomonidan mazkur ko'chada piyodalar yo'lagining yo'qligini ta'kidlab murojaat yo'llagan.

Mazkur murojaatga asosan Xalq deputatlari Kogon shahar Kengashi deputati D.Arabova tomonida shahar "Obodonlashtirish" boshqarmasiga 2026-yilning 16-fevral kuni 18-ds-276-26-sonli deputatlik so'rovi yuborilgan.

Natijada, deputat so‘roviga javoban oradan ikki kun o‘tmay, mazkur ko'chada mas’ullar tomonidan piyodalar yo'lagi qurish ishlari boshlab yuborildi.

Mahalliy aholi deputatning tezkor aralashuvini yuqori baholab, muammo e’tiborsiz qolmagani, fuqarolarning xavfsiz harakatlanishi uchun sharoit yaratilayotganini mamnuniyat bilan kutib oldi.

Mazkur holat deputatlik nazoratining amaliy ifodasi, xalq ishonchini oqlash va fuqarolarning dolzarb muammolarini hal qilishda deputatlar faol ahamiyat kasb etayotganining yaqqol dalilidir.