Халқ депутатлари Наманган вилояти Кенгашининг навбатдаги 19-сессияси бўлиб ўтди.

Сессия ишини Халқ депутатлари Наманган вилояти Кенгаши раиси С. Муминов олиб борди. Сессияда вилоятни ижтимоий-иқтисодий ривожлантиришнинг устувор йўналишлари, аҳоли бандлигини таъминлаш тизимини янада такомиллаштириш ва бошқа муҳим масалалар атрофлича кўриб чиқилди. Кун тартибига киритилган масалалар юзасидан тегишли масъул раҳбар ва мутасаддиларнинг ҳисоботлари тингланиб, амалга оширилаётган ишлар таҳлил қилинди.

Йиғилиш давомида депутатлар томонидан соҳалар кесимида амалга оширилаётган ишлар ижросини таъминлаш масалалари юзасидан фикр-мулоҳазалар билдирилди.

Кун тартибидаги масалалар бўйича тегишли қарорлар қабул қилиниб, масъул ташкилот ва идораларга аниқ топшириқлар берилди. Қабул қилинган қарорларнинг ижросини таъминлаш, белгиланган вазифаларни самарали ва ўз вақтида бажариш юзасидан қатъий назорат ўрнатилиши алоҳида таъкидланди.

Сессия давомида қабул қилинган қарорлар вилоятни барқарор ижтимоий-иқтисодий ривожлантириш, аҳоли фаровонлигини ошириш ва фуқаролар манфаатларини таъминлашга хизмат қилади.