Mahalla yettiligi faoliyati o‘rganilib, aholi bilan ochiq muloqot o‘tkazildi

Xalq deputatlari Termiz tuman Kengashi deputati Z.Chorshanbiyev o‘zi saylangan hududdagi mahalla yettiligi faoliyati bilan yaqindan tanishib, amalga oshirilayotgan ishlar, mavjud muammolar hamda rejalashtirilgan tadbirlar yuzasidan batafsil ma’lumot oldi.

Tashrif davomida hududdagi fuqarolarning murojaatlari tinglanib, ularning ijtimoiy ahvoli, bandlik, kommunal xizmatlar va infratuzilma bilan bog‘liq masalalari o‘rganildi.

Aniqlangan muammolar yuzasidan tegishli tashkilotlarga deputatlik so‘rovlari kiritish hamda navbatdagi tashriflarda masalalarni joyiga chiqib hal etish bo‘yicha aniq vazifalar belgilab olindi.

 Shuningdek, mahalla yettiligi bilan hamkorlikni yanada kuchaytirish, aholi bilan muntazam muloqotni davom ettirish zarurligi alohida ta’kidlandi.