Xalq deputatlari Shahrisabz tumani Kengashi deputati Shohijahon Usmonov “Bog‘ishamol” mahallasida aholi bilan uchrashuv o‘tkazdi.

Uchrashuvda joriy yilning 12-fevral kuni bo‘lib o‘tgan sessiya tafsilotlari hamda Prezidentimizning 2026-yil 5-fevraldagi 49-sonli qarori ijrosi doirasida amalga oshiriladigan ishlar haqida so‘z bordi.

Unga ko‘ra, mahallada quyidagi ijobiy o‘zgarishlar kutilmoqda:

Sanoat va xizmat ko‘rsatish: Hududda elektr ta’minoti tubdan yaxshilanadi. Buning natijasida 16 tadan ortiq yangi maishiy xizmat ko‘rsatish va sanoat loyihalari ishga tushiriladi.

Dehqonchilik va daromad: 415 ta xonadonning 28 gektar tomorqa yeridan unumli foydalanish choralari ko‘riladi. Endilikda bu yerlarga yiliga 2-3 marotaba sabzavot ekinlari ekish tizimli ravishda yo‘lga qo‘yiladi.