Deputatlar tomonidan hududlarda mahalla tizimi samaradorligini oshirish maqsadida “Mahalla yettiligi” faoliyati yuzasidan o‘rganishlar o‘tkazildi.

O‘rganishning asosiy yo‘nalishlari:

Mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, soliq inspektori va ijtimoiy xodimdan iborat "yettilik"ning o‘zaro hamkorligi va hududdagi ijtimoiy-iqtisodiy muammolarni hal etishdagi ishtiroki ko‘rib chiqildi.

Hokim yordamchilari tomonidan yaratilgan yangi ish o‘rinlari, tadbirkorlikni rivojlantirish uchun ajratilgan subsidiyalar va imtiyozli kreditlarning maqsadli ishlatilishi tahlil qilindi.

Ijtimoiy xodimlar va xotin-qizlar faollarining “Temir daftar”, “Ayollar daftari” va “Yoshlar daftari” bilan ishlash tizimi, ehtiyojmand oilalarga ko‘rsatilayotgan manzilli yordamlar holati o‘rganildi.

Hududda jinoyatchilikning oldini olish va jamoat tartibini saqlash borasida profilaktika inspektorlarining amalga oshirgan ishlari samaradorligiga baho berildi.