Rayon hákiminiń kóshpeli qabıllawı bolıp ótti

 Shomanay rayonı "Diyxanabad" awıl puqaralar jıyını aymaǵında jaylasqan 19-sanlı ulıwma orta bilim beriw mektebi imaratında puqaralardıń múrájatların tıńlaw maqsetinde rayon hákimi A.Ametov basshılıǵında kóshpeli qabıllaw bolıp ótti. Qabıllawǵa kárxana, mákeme hám shólkem basshıları, deputatlar sonday-aq, aymaq turǵınları qatnastı.

Kóshpeli qabıllaw procesinde puqaralardıń hár bir múrájatı ayrıqsha úyrenilip, tiyisli juwapker shólkemlerge anıq tapsırmalar berildi. Ayırım máseleler ornında unamlı sheshilgen bolsa, múddet talap etetuǵın múrájatlar boyınsha orınlaw mexanizmleri belgilendi.

Bunday ushırasıwlar xalıqtıń áhmiyetli máselelerin tikkeley ornında tıńlaw, olardıń mashqalalarına jedel hám sistemalı sheshim tabıw imkaniyatın bermekte. Ashıq sáwbetler nátiyjesinde xalıqtıń mámleketlik uyımlarǵa bolǵan isenimin bekkemlew, ashıqtan-ashıq sóylesiw hám nátiyjeli birge islesiwdi bunnan bılay da kúsheytiwge xızmet etpekte.