Xalq deputatlari Marg‘ilon shahar Kengashining Agrar suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Mazkur yig‘ilishda O‘zbekiston Respublikasi Ekologiya va iqlim o‘zgarishi milliy qo‘mitasining Farg‘ona viloyati Ekologiya va iqlim o‘zgarishi bosh boshqarmasi Marg‘ilon shahar bo‘limining 2025-yildagi faoliyati yuzasidan hisoboti eshitildi.

Unda ekologik nazoratni kuchaytirish, chiqindilarni boshqarish tizimini takomillashtirish, ko‘kalamzorlashtirish ishlari, daraxtlarni noqonuniy kesilishining oldini olish hamda aholining ekologik madaniyatini oshirish borasida amalga oshirilgan ishlar tahlil qilindi.