✨ Hududda yana bir samarali tashabbus!

Xalq deputatlari Ishtixon tumani Kengashi deputati Xudoyberganova Gulpashsho o‘z hududida o‘rganish ishlarini olib bordi.

O‘rganish jarayonida fuqaro SH.Boyzoqova tomonidan yo‘lga qo‘yilgan tikuvchilik faoliyati bilan tanishildi. Mazkur tashabbus bugungi kunda nafaqat oilaviy daromad manbai, balki aholi bandligini ta’minlashda ham muhim o‘rin tutmoqda.

👩‍🧵 Hozirda ushbu faoliyat doirasida jami 10 nafar fuqaroning bandligi ta’minlangan:

🔹 5 nafar xodim qo‘l mehnatiga asoslangan bezak ishlari bilan shug‘ullanmoqda;

🔹 5 nafar xodim esa bichish va tikish jarayonlarida faoliyat olib bormoqda.

Mazkur ish o‘rinlari, ayniqsa, xotin-qizlar bandligini ta’minlash, ularning kasb-hunarini rivojlantirish va oilaviy daromadni oshirishga xizmat qilmoqda.

Bunday tashabbuslar hududda tadbirkorlikni qo‘llab-quvvatlash, yangi ish o‘rinlari yaratish va ijtimoiy barqarorlikni mustahkamlashda muhim ahamiyat kasb etadi.