Xalıq deputatları Qaraózek rayonlıq Keńesiniń gezektegi on jetinshi sessiyası bolıp ótti.

Xalıq deputatları Qaraózek rayonlıq Keńesiniń gezektegi on jetinshi sessiyası bolıp ótti. Sessiyanı Keńes baslıǵı G.Yusupova basqarıp bardı. Sessiyaǵa rayonlıq Keńes deputatları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar quralları wákilleri qatnastı. Kún tártibinde dáslep Qaraózek rayonında «Awır máhálle» sıpatında tańlap alınǵan máhállelerde hám puqaralar jıyınların «Jańa Ózbekstan» kórinisine ózgertiw boyınsha ilajlar baǵdarlamasın tastıyıqlaw boyınsha rayon hákimi orınbasarı B.Ayapbergenovtıń hám máhálle baslıqlarınıń usınısları dodalanıldı. Sonday-aq, rayonlıq salıq inspekciyası baslıǵı J.Kazbekovtıń byudjet dáramatlarınıń orınlanıw halatı, qosımsha rezervlerdi anıqlaw, salıqlar hám basqa da májbúriy tólemler kesiminde byudjetke esaplanǵan hám ámelde óndirilgenligi boyınsha 2025-jıl dawamında ámelge asırılǵan jumıslar boyınsha esabatı kórip shıǵıldı. Deputatlar usınısı menen sheshim qabıl etildi.Bunnan soń Ózbekstan Respublikası Prezidentiniń Qaraózek rayonındaǵı Xalıq qabıllawxanasına 2025-jıl dawamında fizikalıq hám yuridikalıq shaxslardan kelip túsken múrájatlar boyınsha málimlemesi, rayonlıq Ishki isler bóliminiń jámiyetlik qáwipsizlik xızmeti bóliminiń hám rayonlıq medicina bólimleriniń esabatları dodalanıldı. Sonday-aq, sessiya kún tártibine muwapıq Ózbekstan Respublikası Prezidentiniń 2026-jıl 5-fevral kúngi “Kóp kvartiralı úylerdiń basqarıw sistemasın jánede jaqsılaw boyınsha qosımsha ilajlar haqqındaˮǵı PQ-48-sanlı qararı tiykarında rayon aymaǵında ámelge asırılatuǵın jumıslar hám tereń qánigelesken máhállelerde kishi quyash elektr stanciyaların qurıw joybarları haqqında rayonlıq qurılıs hám úy-jay kommunal xojalıǵı bóliminiń usınısı kórip shıǵıldı. Sessiyada deputatlar tárepinen kún tártibindegi máseleler boyınsha pikir, usınıslar bildirilip, tiyislisinshe wazıypalar belgilendi hám sessiya óz jumısın juwmaqladı.