Deputatlik nazorati

Parkent tumanidagi Markaziy dehqon bozorida oziq-ovqat mahsulotlari narx-navo barqarorligi va ta’minot uzluksizligi jamoatchilik nazorati asosida o‘rganildi. Unda Xalq deputatlari Parkent tuman Kengashining 15-Beshkappa saylov okrugidan saylangan deputati Berdiqulova Mavluda Tojiddinovna hamda 16-Bodomtepa saylov okrugidan saylangan deputat Ashirmatova Xurshida Soliyevna ishtirok etdi. O‘rganishlar jarayonida “Arzonlashtirilgan savdo yarmarkasi”dagi asosiy oziq-ovqat mahsulotlari narxlari, sanitariya talablariga rioya etilishi va mavsumiy zaxiralar holatiga alohida e’tibor qaratildi. Tadbirkorlarga mahsulot narxlarini asossiz oshirmaslik hamda sanitariya qoidalariga qat’iy amal qilish yuzasidan tavsiyalar berildi. Bu kabi jamoatchilik nazoratlari davlat hokimiyati organlarining samarali faoliyat yuritishini ta’minlashda muhim rol o‘ynaydi.