2026-yil 2-fevral kuni Xalq deputatlari Mirzacho'l tuman Kengashining yettinchi chaqiriq navbatdan tashqari 18-sessiyasi bo'lib o'tdi.

Sessiya ishida Kambag‘allikni qisqartirish va bandlik vaziri o‘rinbosari Boboqolov Sirojiddin Suyunovich, Jizzax viloyati hokimining o‘rinbosari Ro‘ziyev Zafar Sharopovich, viloyat va tuman Kengashi deputatlari, Mirzacho‘l tumani hokimi B. K. Mirzakulov, tuman hokimining o‘rinbosarlari, korxona va tashkilotlar rahbarlari hamda ommaviy axborot vositalari vakillari ishtirok etdi.

Sessiyada Mirzacho‘l tumani hokimi tomonidan tumanni 2026–2027-yillarda ijtimoiy-iqtisodiy rivojlantirish dasturi yuzasidan axborot berildi.

Mazkur dastur doirasida tumanda sanoat, qishloq xo‘jaligi va xizmat ko‘rsatish sohalarini rivojlantirish, yangi ish o‘rinlari yaratish, aholi bandligini ta’minlash hamda kambag‘allikni qisqartirishga qaratilgan ustuvor vazifalar belgilab olindi.

Masala yuzasidan deputatlar o‘z taklif va mulohazalarini bildirdilar. Sessiya yakunida tegishli qaror qabul qilindi.