Taxtakópir rayonında "Baslamalı byudjet" processlerine baylanıslı seminar-trening shólkemlestirildi

           "Baslamalı byudjet" processleriniń nátiyjeli shólkemlestirilwin támiyinlew maqsetinde "Birgelikte qarjılandırıw" ámeliyatınıń engiziliwi múnásibeti menen Taxtakópir rayonı Ekonomika hám qarjı bólimi tárepinen rayonlıq Keńes deputatları, máhálle belsendileri hám rayondaǵı byudjet shólkemleriniń basshıları qatnasıwında seminar-trening shólkemlestirildi.

           Ilaj dawamında Ózbekstan Respublikası Prezidentiniń "Baslamalı byudjet processleriniń jetilistiriliwi sheńberinde xalıq wákilleri hám saylawshılar arasında birge islesiwdi kúsheytiw ilajları haqqında"ǵı PQ-264-sanlı qararında belgilengen tiykarǵı jańalıqlar hár tárepleme túsindirildi.

          Atap aytqanda, baslamalı byudjet sheńberinde "Birgelikte qarjılandırıw" mexanizminiń mazmun-mánisi, onıń ámeliy áhmiyeti hám joybarlardı qáliplestiriwdegi jańa qatnaslar boyınsha tolıq maǵlıwmatlar berildi.