Yoshlarni harbiy-vatanparvarlik ruhida tarbiyalashga qaratilgan o‘rganish

Xalq deputatlari Termiz tuman Kengashi deputati Akmal Avliyakulov

tomonidan Termiz tumanidagi umumta’lim maktablarida “Chaqiruvga qadar boshlang‘ich tayyorgarlik” (CHQBT) fanining o‘qitilish holati bo‘yicha o‘rganish olib bordi.

O‘rganish jarayonida mazkur fan bo‘yicha o‘quv mashg‘ulotlarining tashkil etilishi, moddiy-texnik baza holati, darslarning amaldagi o‘quv reja va dasturlarga muvofiqligi, shuningdek, o‘qituvchilarning kasbiy malakasi va dars jarayonidagi uslubiy yondashuvlariga alohida e’tibor qaratildi. Shu bilan birga, o‘quvchilarda vatanparvarlik ruhini shakllantirish, harbiy bilim va ko‘nikmalarni mustahkamlashga qaratilgan amaliy mashg‘ulotlarning samaradorligi tahlil qilindi.