Yangikent mahallasida inklyuziv ta’lim oluvchilar uchun yaratilayotgan yangi imkoniyatlar

Zarbdor tuman hokimi B.Tashpulatov, tuman IIB boshlig‘i E.Axmedov hamda 14-Yangikent okrugidan saylangan deputat F.Sarimsoqovlar "Yangikent" mahallasida joylashgan 18-sonli umumta’lim maktabiga tashrif buyurib, bu yerda inklyuziv ta’lim oluvchilar uchun yaratilayotgan yangi imkoniyatlar bilan yaqindan tanishdi.

Mazkur ta’lim maskanida Maktabgacha va maktab ta’limi vazirligi va YUNISEF hamkorligida amalga oshirilayotgan “Ishonch” jamg‘armasi loyihasi doirasida zamonaviy jihozlash hamda alohida ehtiyojga ega o‘quvchilar uchun moslashtirilgan infratuzilma barpo etilmoqda.

Maxsus sinf xonalari, reabilitatsiya maydonchalari, o‘quv-uslubiy jihozlar va inklyuziv muhitni qo‘llab-quvvatlovchi sharoitlar bilan tanishib, ishlarning sifati bo‘yicha mas’ullarga tegishli ko‘rsatmalar berdilar.

Ushbu loyiha ta’limda tenglikni ta’minlash, barcha bolalar uchun qulay va zamonaviy o‘quv muhitini yaratish yo‘lidagi muhim qadam bo‘lib xizmat qiladi.