Tumandagi barcha okrug deputatlari tomonidan hududlardagi ijtimoiy ob’yektlarda isitish holati o‘rganildi.

           Qish mavsumida aholi, ayniqsa bolalar va bemorlar uchun qulay sharoit yaratish maqsadida tuman bo‘yicha barcha okrug deputatlari o‘z hududlaridagi maktablar, maktabgacha ta’lim tashkilotlari hamda KVP (qishloq vrachlik punktlari)dagi isitish tizimlari holatini joyiga chiqqan holda ko‘zdan kechirdilar. Jumladan, xalq deputatlari Pastdarg‘om tuman Kengashi deputati Akram Abdumurodov tomonidan Olmazor MFYda joylashgan ijtimoiy ob‘yektlardagi isitish tizimini ishlash holati ko‘zdan kechirildi.

           O‘rganish jarayonida binolarning ichki harorati, qozonxonalar faoliyati, issiqlik ta’minoti uzluksizligi, yonilg‘i zaxirasi va muhandislik tarmoqlarining texnik holati atroflicha tahlil qilindi. Aniqlangan ayrim texnik va tashkiliy kamchiliklar joyida muhokama qilinib, mas’ullarga ularni tezkor bartaraf etish bo‘yicha vazifalar yuklatildi.