O'quvchi tuman hokimi bilan inglizcha muloqot qildi

Tuman hokimi Otabek Mavlyanov 69-sonli umumta’lim maktabi faoliyati bilan tanishib, ta’lim muassasasida o‘quvchilar uchun yaratilgan shart-sharoitlar, ularning fanlarni o‘zlashtirish darajasi hamda davomat holati bilan qiziqdi. Tuman rahbariga Xalq deputatlari Kengashi raisi A. Turdiyev va Kotibiyati mudiri M.Xujanovlar hamrohlik qilishdi.

O'rganish davomida o‘quvchilar bilan bevosita suhbatlashilgan bo‘lib, ayniqsa tuman hokimi bilan ingliz tilida erkin muloqot qilgan o‘quvchi Achildiyev Boburjon alohida e’tirofiga sazovor bo‘ldi.

Shuningdek, maktab ma’muriyatiga o‘quvchilar davomati ustidan qat’iy nazorat o‘rnatish, qish-kuz mavsumini sifatli va muammosiz o‘tkazish bo‘yicha tegishli topshiriqlar berildi.

Oltinsoy tumani Kengash Kotibiyati Axborot xizmati