MUROJAATLAR VA IJRO MASALALARI YUZASIDAN UCHRASHUV

Oltinsoy tumanining tumandan olis, tog‘li hududida joylashgan “Xujaipok” mahallasi Pashur va Fangat qishloqlarida xalq deputatlari bilan sayyor uchrashuv o‘tkazildi. 

Mazkur uchrashuvda Xalq deputatlari Surxondaryo viloyat Kengashi deputatlari Karimova Bibixol Hayrullaevna hamda Oripov Ashur ishtirok etdilar. 

Uchrashuv davomida fuqarolar tomonidan ko‘tarilgan ijtimoiy-iqtisodiy masalalar va mavjud muammolar atroflicha muhokama qilinib, ularni bartaraf etish yuzasidan aniq chora-tadbirlar belgilandi. Bildirilgan murojaatlar bo‘yicha tegishli mas’ul korxona va tashkilotlarga so‘rovnomalar yuborish, shuningdek, ularning ijrosini doimiy nazoratga olish bo‘yicha kelishuvga erishildi. 

Shuningdek, deputatlar hududdagi umumta’lim maktablarining moddiy-texnik bazasi, mavjud shart-sharoitlar hamda o‘quv jarayonining borishi bilan tanishib, darslarning sifatli tashkil etilishi yuzasidan nazorat ishlarini olib bordilar.

✍️Oltinsoy tumani Kengash Kotibiyati Axborot xizmati