Xalq deputatlari Andijon shahar Kengashida yangi saylangan tuman (shahar) Kengashi raislari ishtirokida amaliy seminar bo‘lib o‘tdi.

Seminar davomida Kengashlar faoliyatini samarali tashkil etish, deputatlik nazorati, aholi murojaatlari bilan ishlash hamda hududlarni ijtimoiy-iqtisodiy rivojlantirish masalalari muhokama qilindi.

Amaliy seminarni Xalq deputatlari Andijon viloyat Kengashi raisi U. Axunov olib bordi.

Tadbir ishtirokchilariga Kengashlar faoliyatida ochiqlik, mas’uliyat va tizimli yondashuv muhim ahamiyat kasb etishini ta’kidladi hamda yangi saylangan raislarga amaliy tavsiyalar berdi.