Xalq deputatlari Jizzax shahar Kengashining navbatdagi sessiyasi bo'lib o'tdi

Bugun Xalq deputatlari Jizzax shahar Kengashining yettinchi chaqiriq o‘n beshinchi sessiyasi bo‘lib o‘tdi. Sessiya ishida Jizzax viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Zafar Azimov, Jizzax shahar hokimi Komil Xolmurodov, shahar Kengashi deputatlari bilan bir qatorda tegishli tashkilot va idoralar rahbarlari, mutaxassislar hamda ommaviy axborot vositalari vakillari ishtirok etdi.

Kun tartibiga kiritilgan 9 ta masala yuzasidan mas’ul rahbarlar tomonidan batafsil axborot va hisobotlar taqdim etildi. Muhokamalar davomida deputatlar tomonidan dolzarb savollar berilib, shahar ijtimoiy-iqtisodiy rivojiga qaratilgan o‘rinli taklif va tashabbuslar ilgari surildi.

Sessiya yakunida kun tartibidagi barcha masalalar atroflicha ko‘rib chiqilib, tegishli qarorlar qabul qilindi.