Deputat faoliyatining eng muhim yoʻnalishlari

Shu kunlarda barcha yerda boʻlganidek, Vobkent tumanida ham 2025-2026-yillar kuzgi-qishki isitish mavsumiga tayyorgarlikning borishi mahalliy Kengash deputatlari tomonidan koʻzdan kechirib chiqilmoqda.

Xalq deputatlari tuman Kengashi deputati Dildora Hayitova “Charmgaron” MFYda mahalla faollari, favqulodda vaziyatlar boʻlimi, tuman gaz taʼminoti boʻlimi xodimlari bilan birgalikda hududdagi davlat maktabgacha taʼlim tashkilotlari, maktab, umumiy ovqatlanish korxonalari hamda xonadonlarda qish mavsumini betalofat oʻtkazish borasida mavjud muammolar yuzasidan oʻrganishlar olib bordi.

Oʻrganishlar davomida hududdagi bir qator korxona va tashkilotlar, taʼlim muassasalarida boʻlajak isitish mavsumiga hozirlik ishlari, jumladan,  

- aholi xonadonlari hamda ijtimoiy soha obyektlarini kuz-qish mavsumiga tayyorgarlik holati, koʻmir zahirasining yaratilganligi;

- ijtimoiy soha hamda umumiy ovqatlanish korxonalari obyektlarida isitish tizimlarining sozligi;

- aholiga suyultirilgan gaz yetkazish berish masalalariga alohida eʼtibor qaratmoqdalar.

Aniqlangan kamchilik va nuqsonlarni oʻz vaqtida bartaraf etish yuzasidan tegishli mutasaddilarga zarur topshiriq, koʻrsatma va tavsiyalar berilib, ularning ijrosi deputatlik nazoratiga olinmoqda.