Korrupsiyaga qarshi kurashish hududiy Kengashi a'zolari ishtirokida seminar-trening bo'lib o'tdi

Surxondaryo viloyati korrupsiyaga qarshi kurashish hududiy kengashlar a’zolari, Korrupsiyaga qarshi kurashish agentligi va BMT Taraqqiyot Dasturining Yevropa Ittifoqi tomonidan moliyalashtirilayotgan “O‘zbekistonda korrupsiyaga qarshi milliy ekotizimni mustahkamlash” qo‘shma loyiha xodimlari va maxalliy vakillari hamda ommaviy axborot vositalari vakillari ishtirokida “Korrupsiyaga qarshi nazorat, jamoatchilik bilan hamkorlik va shaffoflikni ta’minlash bo‘yicha trening” bo'lib o'tdi.

Dasturning maqsadi – hududlarda korrupsiyaga qarshi kurashish va uning oldini olish samaradorligini oshirish, O‘zbekistonda BMTning Korrupsiyaga qarshi konvensiyasi va boshqa xalqaro standartlarni amalga oshirishda ularning ishtirokini kengaytirish, aholi va davlat tuzilmalari o‘rtasida ishonchni mustahkamlashdan iborat.

Mazkur trening hududlarda korrupsiyaga qarshi nazoratning yanada aniq va zamonaviy mexanizmini yaratishga yordam berishi, xususan, korrupsiyaga oid qonunbuzarliklarni yanada samarali aniqlash va bartaraf etish, xarajatlar va qabul qilinayotgan qarorlarni nazorat qilish bo‘yicha tashabbuslarni faollashtirish, shuningdek, hukumat, aholi va ommaviy axborot vositalari o‘rtasida yanada ochiq muloqotni rag‘batlantirishga xizmat qilishi ta'kidlandi.

Ko'tarinki kayfiyatda bo'lib o'tgan seminar-treningda ishtirokchilar guruhlarga bo'linib mashg'ulot olib bordi. Korrupsiyani oldini olish bo'yicha dolzarb takliflar bildirildi.