Deputatlar tuman mudofaa ishlari bo‘limida olib borilayotgan ta’mirlash ishlarini o‘rgandilar

Xalq deputatlari
Quva tuman Kengashi deputatlari tomonidan tuman mudofaa ishlari bo‘limi binosida
olib borilayotgan mukammal ta’mirlash ishlari o‘rganildi. Mazkur ob’ektni ta’mirlash
loyihasining umumiy qiymati 2 milliard 100 million so‘mni tashkil etib, qurilish-ta’mirlash
ishlari pudratchi tashkilot — “Active Construction” MChJ tomonidan amalga oshirilmoqda.

O‘rganish jarayonida
deputatlar ob’ektda bajarilayotgan ishlar sifatiga, qurilish materiallarining loyiha-smeta
hujjatlariga muvofiqligiga, belgilangan me’yor va talablarga rioya etilishiga alohida
e’tibor qaratdilar. Shuningdek, ta’mirlash ishlarining belgilangan grafik asosida
olib borilayotgani, mehnat xavfsizligi qoidalariga amal qilinishi va mablag‘lardan
maqsadli foydalanish masalalari ham ko‘zdan kechirildi.

O‘rganish davomida
ayrim kamchilik va nuqsonlar aniqlanib, ularni o‘z vaqtida bartaraf etish bo‘yicha
pudratchi tashkilot mas’ullariga aniq ko‘rsatma va amaliy tavsiyalar berildi. Deputatlar
tomonidan ta’mirlash ishlari sifatli, o‘z vaqtida va to‘liq yakunlanishi, shuningdek,
davlat mablag‘laridan samarali foydalanilishi ustidan deputatlik nazorati davom
ettirilishi ta’kidlandi.

Mazkur o‘rganish
ishlari kelgusida fuqarolarga xizmat ko‘rsatish sharoitlarini yaxshilash, idora
binolarining zamonaviy talablarga javob berishini ta’minlashga qaratilgani bilan
ahamiyatlidir.