Ishtixon tumani deputat “Zartepa” va”Mirzakul” mahallalar aholisi bilan uchrashuv o‘tkazdi.

Keyingi yillarda joylarga tushib, saylovchilar bilan to‘g‘ridan-to‘g‘ri aloqa o‘rnatish, odamlarning talab va istaklarini ro‘yobga chiqarish davlat siyosatining ustuvor yo‘nalishlaridan biriga aylandi. Natijada uzoq yillardan buyon o‘z yechimini kutib turgan muammolar ijobiy yechim topa boshladi. Xalq deputatlari Ishtixon tumani Kengashi deputati Elyor Abdusalomov 26-umumiy o‘rta ta’lim maktabida aholi bilan saylovchilar uchun yuzma-yuz muloqot qildi.

Uchrashuvda deputat E.Abdusalomov faoliyati davomida qilingan ishlar yuzasidan hisobot berdi.

Muloqot davomida saylovchilarga mamlakatimizda amalga oshirilayotgan islohotlar, qabul qilingan farmon va qarorlar ijrosi borasida qilinayotgan ishlar qayd etilib, ularni qiynab kelayotgan muammo va takliflar tinglandi. Ular tomonidan bildirilgan murojaatlarni qonun doirasida tegishli tashkilotlar bilan o‘rganib chiqishga va nazoratga olishga kelishib olindi.