Saylovchilar bilan uchrashuv:

Termiz tuman Kengashi deputati Ruziyeva Nasiba tomonidan Orol mahallasida saylovchilar bilan uchrashuv tashkil etildi. Uchrashuv davomida fuqarolarning dolzarb masalalari tinglanib, mahalla hududida mavjud bir qator ijtimoiy-iqtisodiy muammolar umumiy tarzda muhokama qilindi.

Aholi tomonidan asosan quyidagi yo‘nalishlardagi masalalar ko‘tarildi:

mahalla infratuzilmasi bilan bog‘liq kamchiliklar;

kommunal xizmatlar sifatini yaxshilashga oid murojaatlar;

ijtimoiy qo‘llab-quvvatlashga ehtiyoj sezayotgan fuqarolarning murojaatlari;

obodonlashtirish va tozalik masalalari;

aholining kundalik turmushida uchrayotgan boshqa dolzarb muammolar.

Deputat Ruziyeva Nasiba uchrashuv davomida aholining murojaatlari e’tiborsiz qolmasligini, har bir masala yuzasidan mas’ul tashkilotlar bilan yaqindan ishlashini ta’kidladi. Shuningdek, u fuqarolarning faolligi, o‘z muammolarini ochiq aytib, takliflar bildirayotgani mahalla taraqqiyotiga xizmat qilishini qayd etdi. Deputatning ta’kidlashicha, mahalladagi mavjud kamchiliklar bosqichma-bosqich bartaraf etilib, aholiga yaratilayotgan qulayliklar izchil oshirib boriladi.

Uchrashuv yakunida bildirilgan barcha taklif va murojaatlar ro‘yxatga olinib, ularni amalda hal etish bo‘yicha tegishli chora-tadbirlar belgilab olindi.