Atrof-muhitni asrashga bag‘ishlangan “Ko‘ngil ekologiyasi” rasmlar tanlovi o‘tkazildi

O‘zbekiston Ekologik partiyasi tuman Kengashi raisi, xalq deputatlari Olmazor tumani Kengashi deputati Shaxnoza Umarxodjayeva hamda Islom Karimov nomidagi Toshkent davlat texnika universiteti hamkorligida yoshlar o‘rtasida ekologik madaniyatni oshirishga qaratilgan “Ko‘ngil ekologiyasi” rasmlar tanlovi bo‘lib o‘tdi.

Tadbirda 20 dan ortiq oliy ta’lim muassasalari talabalari ishtirok etib, tabiatni asrash, suv resurslaridan oqilona foydalanish, chiqindilarni qayta ishlash va hududlarni tozalash mavzularida ijodiy ishlarini taqdim etdi.

Tanlov g'oliblari faxriy diplom va esdalik sovg‘alari bilan taqdirlandi.

Mazkur tashabbus yoshlarning ekologik mas’uliyatini kuchaytirish va atrof-muhitni muhofaza qilish bo‘yicha ijtimoiy faolligini oshirishga xizmat qiladi.