Joriy yilning 11-oktabr kuni Termiz davlat pedagogika institutida “Deputat va yoshlar” mavzusida mazmunli uchrashuv bo‘lib o‘tdi.

Uchrashuvda Xalq deputatlari Termiz tuman Kengashi deputatlari G. Shafoatova va B. Umarovlar ishtirok etishdi. Tadbir davomida deputatlar yoshlar bilan ochiq muloqot o‘tkazib, ularning fikr, taklif va tashabbuslarini diqqat bilan tingladilar.

Suhbat chog‘ida mamlakatimizda yoshlarga yaratilayotgan sharoitlar, ta’lim sohasidagi islohotlar, yoshlarning ijtimoiy hayotdagi o‘rni va mas’uliyati haqida so‘z yuritildi. Deputatlar yoshlarga har tomonlama bilimli, tashabbuskor, vatanparvar va maqsadga intiluvchan bo‘lish zarurligini ta’kidladilar.

Uchrashuv jarayonida talabalar o‘zlarini qiziqtirgan savollar bilan murojaat qilib, amaliy tavsiyalar oldilar. Shuningdek, yoshlarning kelajakdagi rejalarini amalga oshirishda davlat tomonidan berilayotgan imkoniyatlardan samarali foydalanish yo‘llari muhokama qilindi.

Tadbir samimiy va iliq muhitda o‘tib, yoshlar uchun katta turtki bo‘ldi. Ular bunday uchrashuvlar nafaqat bilim va tajriba almashish, balki yoshlarning ijtimoiy faolligini oshirish, ularni Vatanga sadoqat ruhida tarbiyalashda muhim ahamiyatga ega ekanini ta’kidladilar.