"Tazalıq hám azadlıq ayı" sheńberinde ekoakciya ótkerildi.

 Búgin Ózbekstan Ekologiyalıq partiyası Taxtakópir
rayonlıq Keńesi tárepinen "Ǵarezsizlik" MPJ aymaǵında
"15-oktyabr - 15-noyabr - Tazalıq hám azadlıq ayı" sheńberinde
"Qorshaǵan ortalıq tazalıǵına bárshemiz juwapkermiz!" súreni astında
ekoakciya shólkemlestirildi. 

Ilajda Ózbekstan Ekologiyalıq partiyası Taxtakópir
rayonlıq Keńesiniń baslıǵı B.Baymbetova, partiya deputatları hámde máhálle
belsendileri qatnasıp kóp qabatlı úyler átirapın shıǵındılardan tazalaw
jumısların ámelge asırıp, "Jasıl mákan" akciyası ushın jer
maydanların tayarlaw jumısların alıp bardı. 

Bul ekoakciya adamlardıń qorshaǵan ortalıqtı asıraw,
ekologiyalıq mádeniyattı arttırıw hám taza jasıl ortalıq jaratıw baǵdarındaǵı
belsendiligin jáne de bekkemledi.